Куманово ќе игра во групата Ј во Еврокупот

Турк Телеком Анкара, КТП Баскет од Финска и Роса Радом од Полска се противниците на Куманово во оваа ново натпреварување.

Турк Телеком е дефинитивно најквалитетна екипа од сите противници во оваа група. Иако во домашното првенство завршија како седмопласирани, не треба да се заборави дека Турската лига можеби е и втора најквалитетна лига веднаш зад шпанското кошаркарско првенство. Турк Телеком загуби од Анадолу Ефес во четврт-финалето од Плеј-оф со 1-2.

Роса Радом е екипа која настапува во Полското првенство. Регуларната сезоната ја завршија како шеста екипа во Полска, меѓутоа во четвртфиналето со 3-0 во победи го совладаа АЗС Косзалин кој беше трет на табелата. Големото изненадување заврши по таа серија, по што Роса Радом загуби од подоцна шампионот на Полска Стелмет Зиелона Гора. Роса подоцна загуби и во малото финале со 2-1 во победи.

КТП Баскет е екипа која доаѓа од Финска, а регуларниот дел од сезоната овој тим го завршил убедливо на првата позиција. Во полуфиналето од Плеј-оф завршува сезоната за КТП кои со 2-3 загубија од Бисонс Лоима. Во утешниот натпревар за третата позциија, КТП е поуспешен од тимот на Кару. Лесно достапна е и информациијата за буџетите на финските кошаркарски клубови. КТП Баскет минатата сезона имал буџет од 500000 евра што е за околу 2,5 пати поголем од оној на Куманово минатата сезона.

Првите две екипи од секоја група и четирите најдобри трети места, обезбедуваат пласман во следната фаза од натпреварувањето.

Првиот дуел куманово го игра на 28.октомври против Турк Телеком.

CONFERENCE 1

 CONFERENCE 2