„Куманово Еуроспорт“ ќе учествува на турнир во Австрија

Одлична вест за нашиот клуб и градот е дека се вложуваат напори да учествуваме на турнир во Австрија, кој за сите нас ќе биде шанса за достојно претставување и стекнување меѓународно искуство. На овој турнир ќе учествуваат менаџери од цела Австрија кои бараат млади, талентирани фудбалери. “Куманово Еуроспорт“ тука не застанува, апетитите за подобри резултати растат секојдневно. Желбата и мотивот кај играчите за напредок е се поголема од тренинг на тренинг, се зголемува и конкуренцијата меѓу нив. Наскоро не очекуваат многу активности, соработки и настани - велат од клубот.

Од таму објаснуваат дека благодарение на соработката со нивниот поранешен играч Иван Јакимовски, кој живее и работи во Австрија, добиле спортска опрема, фудбалски, топки, дресови и друго. Новото раководство предводено од претседателот Александар Маневски, шефот на стручен штаб Борче Стојчевски, тренерот Атанас Неделковски и помошен тренер Кристијан Томиславски ,  најавуваат финансиска стабилност, која ќе донесе квалитетен играчки и тренерски кадар, како и натпреварувања во поквалитетни лиги на ФФМ. Во 10 годишната историја клубот има освоено прво место во Јуниор Куп, 3-то место во А1 лига, 2-ро место на турнир во Франција, 3-то во Србија и уште многу други значајни резултати во првенството и турнирите низ Македонија.