Куманово го пречекува Работнички во празна сала

Конечната табела беше формирана минатото коло, па овој натпревар помеѓу големите ривали нема резултатски императив. МЗТ Скопје заврши како прв на табелата, втор е Работнички, трети се Куманово и четвртопласирана е екипата на Фени Индустри.

Куманово ја оствари зацртаната цел - пласман во Плеј-оф по прв пат во новата историја на клубот. Вистинската војна помеѓу овие два клуба ќе започне во петок во Градски парк, а втората битка ќе се одигра во Куманово во недела. Првиот тим кој ќе забележи две победи ќе го игра големото финале, каде што ќе се сретне со подобриот од втората Плеј-оф двојка која се игра помеѓу МЗТ Скопје и Фени Индустри.

Поради безбедносни причини и по препорака на МВР, натпреварот ќе се игра пред празни трибини.