Куманово гостува на Работнички во првиот натпревар од Плеј-оф

Со освојувањето на третата позиција, кумановчани се поблиску до финалето на домашното првенство бидејки Работнички е полесен противник во однос на АБА лигашот МЗТ Скопје.

Сепак не треба да се потцени екипата на тимот од Градски парк, која е составена од искусни кошаркари кои го знаат патот до титулата.

Овие два тима оваа сезона се сретнаа 5 пати, а Работнички триумфираше на три натпревари.

Серијата се игра во два добиени натпревари а засега Работнички е екипата која има предност на домашен терен. Евентуалната изненадување на Куманово во денешниот натпревар би ги сменила работите и клучниот натпревар ќе се игра во салата каде што Работнички не успеја да победи оваа сезона.

Натпреварот пред три дена поради ситни повреди го пропуштија Вукашин Мандиќ и Марјан Јанески, но тие ќе бидат спремни за денешниот дуел.

Натпреварот започнува во 19 часот со директен пренос на МРТ.