Куманово лесно против Водњански Лисици

Куманово беше апсолутен фаворит во овој дуел, и љубителите на кошарката единствено чекаа да видат како кумановчани ќе го скршат отпорот на противникот, кој траеше едно полувреме.

Куманово започна фуриозно со серија од 8-0, а младиот тим на Лисици успејаа да ја запрат серијата, дури и два пати да дојдат до водство во првата четвртина. Работата дојде на свое место во второто полувреме кога Куманово направи недостижни 20 поени разлика, која ја чуваше до крајот на натпреварот.

Вукашин Мандиќ не беше дел од екипата, а останатите првотимци на Куманово имаа намалена минутажа во однос на останатите натпревари. Шанса добија сите играчи а кумановските кошаркари како да изгореа во желбата да постигнат поени пред својата публика. Единствен меѓу нив беше младиот Георгиевски со постигнати 2 поени. Најмногу се покажа русинот Егоров со 14 поени и 5 скока кој можеби заслужува и поголема минутажа во понатамошниот дел од сезоната. Костовски постигна 18 поени, Аврамовиќ 15 поени а Јанески го заврши натпреварот со 13 поени. Кај гостите Александар Стефановски постигна 22 поени.

Со оваа победа Куманово ја завзема првата позиција на табелата, а по исходот на натпреварот меѓу Карпош Соколи - Работнички, ќе знаеме дали на Куманово на врвот ќе останат сами или ќе ја делат првата позиција со Соколи.

Следниот натпревар Куманово го игра во среда, на домашен терен во рамките на БИБЛ лигата против екипата на Рилски Спортист, со што започнува тешката серија натпревари на КК Куманово.