Зачленете се во нашиот клуб на читатели и најновите текстови ќе ги добивате на вашата мејл адреса
Членовите на атлетскиот клуб „Куманово“ освоија 26 медали на Државното поединечно првенство за сениори, кое минатиот викенд се одржа на градскиот стадион во Скопје.
Како што соопштуваат од клубот тие освоиле 9 златни, 11 сребрени и пет бронзени медали, поради што се пласирале на прво место по бројот на освоени бодови. Истовремено се најуспешен клуб на првенството.
Златни, сребрени и бронзени медали освоија атлетичарките: Матеја Ефремовска, Дијана Вукановиќ, Теа Алексовска, Бранкица Марковиќ, Марија Дувлис, Ениса Тасевска и атлетичарите: Марјан Нојковски, Даниел Јосевски и Ненад Младеновски.
„Во сениорска конкуренција освоени се двата најважни натпревари, односно покрај победата на Сениорскиот куп, АК Куманово успеа да се избори за најдобар клуб и на ова првенство“, велат од клубот.
Учесниците на првенството се натпреварувале во атлетските дисциплини: трoскок, скок во височина и скок во далечина, фрлање ѓуле, фрлање диск, фрлање кладиво, трка на 100, 200, 400, 5000, штафета и др.
Зачленете се во нашиот клуб на читатели и најновите текстови ќе ги добивате на вашата мејл адреса
