Михајловски не е повеќе тренер во КК Куманово

Михајловски поднесе оставка која беше прифатена од управата на клубот. Тимот во следниот период ќе го води помошниот тренер, Страшо Тодоровиќ, а подоцна ќе процени дали ќе биде ангажиран нов тренер во екипата - изјавија од клубот.

Како причина за оставката се наведуваат слабите резултати во последните два натпревари, а се шпекулира дека се работи за нарушените тимски односи по суспензијата на Костовски и Мандиќ.

Куманово следниот натпревар го игра за два дена во Спортската сала, против екипата на Карпош Соколи. Ова е реванш натпревар во рамките на Купот на Македонија.