Зачленете се во нашиот клуб на читатели и најновите текстови ќе ги добивате на вашата мејл адреса
Македонските ракометари во позитивна атмосфера го очекуваат првиот натпревар од бараж пресметката со Австрија за пласман на СП 2013 во Шпанија кој во сабота од 16.30 часот не очекува во спортскиот центар „Борис Трајковски“ во Скопје.
Силна е вербата во наш пласман на Мундијалот по двата бараж дуели со Австријците иако репрезентативците потенцираат дека не смее да има опуштање ниту момент во текот на сите 120 минути, затоа што играме против ни малку наивен противник.
На ваквите бараж натпревари нема изразит фаворит. Токму затоа мора максимално сериозно да му пристапиме на дуелот од кој треба точно да знаеме што сакаме. Без залетување, но со силна верва во нашите квалитети треба трпеливо да се одиграат двата натпревари со Австрија – вели најдобриот македонски ракометар, Кирил Лазаров, кој веќе активно се приклучи на тренинзите на тимот.
Австрија не е наивен противник. Иако имаат ’тенка’ клупа имаат квалитетна прва постава. Ние ако сакаме пласман на СП треба еднакво квалитетно да ги одиграме двете средби. Свесни сме дека во Австрија ќе се одлучува патникот за Шпанија, иако би било добро во Скопје да извлечеме триумф со најмалку 4-5 гола разлика – вели креаторот на играта, Наумче Мојсовски.
Зачленете се во нашиот клуб на читатели и најновите текстови ќе ги добивате на вашата мејл адреса
