РК Карпош дел од проектот „Страст за ракомет“

Овој проект ги опфаќа сите градови во Македонија, каде сите клубови ќе бидат под капата на Вардар, и ќе работат повеќе познати тренери кои ќе имаат за цел да им ги пренесат своите знаења на децата.

Целта на овој проект е континуирано следење на развојот на овие деца кои ќе решат да се занимаваат со ракомет, организирање на зимски и летни кампови и вклучување во еден систем на натпревари. Дел до овие центри, односно клубови веќе се во системот на натпреварување на РФМ, а за оние што не се во некој систем ќе организираме натпреварувања со нивни врсници - изјави на официјалната промоција на проектот, Тања Медвед, координаторот на младинските категории.

Куманово е еден од 24.регионални центри. Во рамките на РК Карпош, тренинзите ќе бидат водени од Миодраг Јовановски - Црни, Александар Јанчиќ и Љубиша Димковски.

Ги повикуваме сите заинтересирани дечиња од 7 - 14 години да се обратат во нашата школа, и да учествуваат во овој голем проект. Во состав на клубот ќе има и мини ракометна школа, во која учество ќе можат да земат и најмалите. Секој член ќе добие топка, два дреса и две маици од познатиот ракометен бренд Хумел. - изјави тренерот одговорен за Куманово, Миодраг Јовановски - Црни.

Меѓу најпознатите имиња што се приклучуваат кон овој голем проект и со кој младите ракометари ќе имаат можност да се сретнат во текот на сезоната на РК и ЖРК Вардар се Стефче Алушовски, Владимир Радиќ, Никола Бисинов, Слободан Чивлачки, Сандре Темелковски, Андијана Будимир и уште други тренери.

Повеќе информации може да се добие на телефоните 078/649-977, 076/281-328, 078/334-327 и на мејл адресата [email protected]