Стартува Пинк Пантери - Лига на идните шампиони!

27.04.2012 15:23 | KumanovoNews

Во недела во 17 часот во Спортската сала во Куманово, стартува мини баксет лигата Пинк Пантери - Лига на идните шампиони! Учество ќе земат 160 членови на школата Пинк Пантери, кои се на возраст од седум до треинаесет години.

Според возраста во лигата се формирани 12 екипи кои ќе се натпреваруваат во две групи, на два терена во салата. Првата група игра на терен во со нормални димензии, додека втората група игра на понизок кош и помал баскет бидејки се работи за помали членови. Предвидени се шест кола кои ќе се играат секоја недела. Првото коло започнува од 17 часот, додека од второто коло до крајот на лигата наптреварите ќе се играат од 11 часот. Голема благодарност до спонзорите кои помогнаа за остварување на мини баскет лигата, па оваа година решивме екипите да ги носат нивните имиња. Целта на лигата е децата да се дружат и спортуваат, резултатот е во втор план. Ги повикувам сите љубители на спортот да ги посетат натпреварите - изјави спортскиот директор на КК Пинк Пантери, Бојан Златковски.

Натпреарите ќе бидат снимани, по што ќе следи четириесетминутна емисија во која ќе бидат прогласени најдобрите играчи на колото и најдобрите десет потези.