Велосипедистите на Вело-М доминираа во Охрид

Во силна сениорска конкуренција победник е Стефан Петровски, а на третото место се пласира Зоран Ристовски. Во јуниорската категорија Никола Ѓукиќ го освои првото место, а во кадетската категорија велосипедистот Денис Колевски се пласираше на третото место.

Натпреварот се одвиваше на релација Охрид – Струга – Дебар и назад, во должина од 130 км за сениори и јуниори, а за местер и кадети Дебар -Охрид 65 километри.

Со овој резултат велосипедистите на Куманово ја потврдија доминацијата во Македонија, а клубот успеа да собере најмногу поени, со што го зацврстува првото место на Ранг-листата во Македонија.

Наредниот месец најдобриот велосипедист на Македонија, Стефан Петровски заминува на меѓународната велосипедска трка за Europ-Tour во Добрич, Бугарија.