03. 07. 2020 16:56

15 новозаболени и двајца починати од коронавирус во Куманово

15 новозаболени и двајца починати од коронавирус во Куманово

Во Центарот за јавно здравје во Куманово, во изминатото деноноќие регистрирани се 15 нови случаи од ковид-19, а две лица починале.

Според директорот Ариф Љатифи, сите новозаболени се од Куманово.

„Најмладите пациенти се на 26 и 28 години, а другите се на 40, 50 и 60 годишна возраст. Денеска нема заразени деца, што не беше случај во предходните денови. Повеќето од пациентите имале контакт со лица од познатите кластери, а има и нови. Денеска, за жал, имаме и двајца починати од Куманово. Маж и жена на седумдесетгодишна возраст, кои се лекуваа во Кумановската болница“, - изјави Љатифи.  

 Во последните 24 часа на нивои на државата откриени се 165 нови случаи на ковид-19, од вкупно направени 1454 тестирања.

Починати се 7 лица, двајца пациенти од Скопје, двајца од Куманово, еден пациент од Струга, еден од Кочани и еден пациент од Неготино.

Денеска Институтот за јавно здравје регистрира 128 оздравени пациенти.

Досега во земјата се направени вкупно 64.837 тестирања на ковид -19. Денеска нема тестирања во рамките на скринингот.

Вкупната бројка на ковид дијагностицирани во нашата земја од почетокот на епидемијата изнесува 6787, бројката на оздравени пациенти е 2876, на починати е 328, а во моментов бројот на активни случаи во земјата изнесува 3583.

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk