Зачленете се во нашиот клуб на читатели и најновите текстови ќе ги добивате на вашата мејл адреса
17 - годишна девојка од Куманово, по полноќ го загубила животот во сообраќајна несреќа во скопското село Миладиновци.
Според МВР, несреќата се случила во 01.30 часот на крстосницата од ул.„2“ и ул.„10“ во с.Миладиновци и локален пат за с.Бујковци, кај железничката пруга, кога патничко возило „цитроен Ц5“, со кумановски регистарски ознаки, управувано од Н.С.(20) од Куманово, излетало од коловозот.
На местото на незгодата починала 17 - годишна сопатничка од Куманово, а со тешки телесни повреди се здобил возачот и уште една сопатничка, Т.П.(19) од Куманово, по што биле пренесени во комплексот клиники „Мајка Тереза“ за укажување на лекарска помош. Извршен бил увид на местото на настанот од страна на Јавен обвинител и увидна екипа од СВР Скопје.
Луѓето кои живеат во околните куќи велат дека ги разбудил силен удар, по што излегле да помогнат додека дошла полицијата и брзата помош.
Тие тврдат дека на ова место често се случуваат сообраќајни несреќи со фатални последици.