Зачленете се во нашиот клуб на читатели и најновите текстови ќе ги добивате на вашата мејл адреса
Општинската организација на СДСМ, викендов ја испрати листата со кандидати за пратенцици до централата во Скопје.
На листата се нашле 78 членови на партијата од Куманово, кои биле предложени во месните организации. Најголем број на кандидатури добиле генарелниот секретар на СДСМ Оливер Спасовски, претседателот на општинската организација Мартин Костовски, претседателот на Советот Максим Димитриевски, секретарот Томица Илиќ, Виктор Петрушевски член на ЦО, Атина Мургашанска претседателка на жените, советничката Снежана Захариева, претседателот на малдите Владица Трајковски и други.
Општинската организација Куманово, како и во изминатите предизборни циклуси така и сега понуди квалитетни членови и кадри, кои достојно ќе го претставуваат градот во Собранието. Се работи за луѓе од различни професии, кои имаат резултати во своите професии. При тоа водена е сметка и за старосната, половата и територијална застапеност- изјави претседателот Мартин Костовски.
Листата со кандидати ќе биде разгледана во централата на СДСМ, а одлуката ќе ја донесе конгресот на партијата. Неофицијално Куманово ќе добие двe добитни места на листата во втората изборна единица.
(фото архива)
Зачленете се во нашиот клуб на читатели и најновите текстови ќе ги добивате на вашата мејл адреса
