Активисти на ЏЕФ во акција за демократија

Дел од граѓаните напишале дека демократија е да се слуша нивниот глас, да ги има во избирачкиот список, дека очекуваат младите повеќе да одлучуваат во општеството, да имаат претседател кој достојно ќе ја претставува земјата и слично.

Оваа година темата на акцијата е “Демократијата под притисок“ и ние решивме концептот на самата акција да се одвива во два дела. Првиот дел е тоа што имаме поставено симболични натписи на кои што граѓаните ќе можат да го искажат своето мислење за прашањата за демократија. Прашањата се за демократијата и нејзините дисторзии кои што секојдневно се случуваат. Целта на оваа акција е да се подигне свеста кај граѓаните и да им се претстави демократијата како нешто што им припаѓа нив - вели Христина Ангеловска, претседател на Млади европски федералисти ЏЕФ Македонија.

Од ЏЕФ Македонија објаснуваат дека суштината на акцијата е демократијата да им се доближи на граѓаните.