Ален Милковски од Куманово e добитник на стипендијата „Фросина Кулакова“ за 2026 година
Ален Милковски од Куманово ја доби стипендијата „Фросина Кулакова“ за 2026 година, востановена во чест на младата модна дизајнерка Фросина Кулакова, која загина во сообраќајна несреќа во Скопје, а со цел да се зачува нејзината посветеност кон уметноста и креативното изразување, како и да се поттикнат и поддржат нови генерации млади автори со талент и визија.
Од Фондацијата информираат дека Комисијата во творештвото на Ален Милковски препознала исклучителна искреност, емоционална зрелост и длабока чувствителност.
„Неговото уметничко изразување, кое опфаќа цртање, пишување и други форми на креативна работа, отвора теми поврзани со ранливоста, болката, надежта и внатрешната сила на човекот“.
По повод добивањето на наградата, Милковски кажа дека ова признание за него има силна лична и творечка тежина.
„Оваа награда за мене претставува животна прилика и благослов. Таа е можност постојано да се надградувам и да продолжам да создавам во име на Фросина. За мене, ова значи дека единствено можам да творам со љубов. Овој успех го гледам и како мое ‘благодарам’ кон најблиските“, вели тој.
Од Фондацијата му посакаа на добитникот да продолжи со истата посветеност, нагласувајќи дека неговиот глас има потенцијал да отвора важни општествени теми и да инспирира нови генерации.
Никола Митовски
НАЈНОВИ
-
Ален Милковски од Куманово e добитник на стипендијата „Фросина Кулакова“ за 2026 година
-
Куманово е „заложник“ на исти луѓе кои секојдневно палат отпад и ги трујат граѓаните, кажаа надлежните
-
Повторно гореше ѓубрето во „Перо Чичо“
-
Над 27 проекти се реализираат годинава во Куманово, вели Димитриевски
-
Апликацијата „МојДДВ“ повторно е во функција
-
Застарена механизација, долгови и депонии – главни проблеми на комуналните претпријатија во земјата