Зачленете се во нашиот клуб на читатели и најновите текстови ќе ги добивате на вашата мејл адреса
Денеска беа пуштена во употреба три ново асфалтирани улици во близина на црквата “Свети Никола“. Жителите од улиците “Питу Гули“, “29 Ноември“ и “Пере Тошев“ повеќе нема да газат калдрма.
Градоначалникот Зоран Дамјановски и претседателот на Советот на Општина Куманово, Максим Димитриевски ја пресекоа црвената лента.
- Проектот е комплетно финасиран од локалната самоуправа. Сите три улици се во должина од 550 метри, а цената на чинење е 6.300.000 денари. Изведувачи се две фирми, едната е “Хуљуси комерц“, а другата е градежно претпријатие “Козјак“. Изработена е проектна документација, направена е тендерска постапка, со развојна програма утврдена и завршена. Во склоп на 39 инфраструктурни проекти, иако нашите политички опоненти кажуваат дека не е направено, еве добар доказ дека локалната самоуправа секоја недела отвара по два, три проекти. Ние ќе работиме само во интерес на граѓаните на Куманово - изјави Дамјановски.
Денеска почнува изградба на улицата “160“ во населба Карпош која поврзува 200 куќи. Тој проект чини 3.800.000 денари. Дамјановски рече дека инфраструктурата е нивен приоритет, а деновиве е почната да се гради и улица во Табановце во должина од 1800 метри.
Зачленете се во нашиот клуб на читатели и најновите текстови ќе ги добивате на вашата мејл адреса
