Зачленете се во нашиот клуб на читатели и најновите текстови ќе ги добивате на вашата мејл адреса
Автомобил марка „Форд мондео“, со кумановски регистарски таблички, синоќа удри во семафор на крстосницата на булеварот „Октомвриска револуција“ и улицата „Пионерска“, во Куманово.
Според очевидци, незгодата се сличила околу 20 часот, додека автомобилот се движел од центарот кон периферијата на градот. Во еден момент возачот изгубил контрола, возилото слетало од коловозот и удрило во семафорот.
Причинета е матерјална штета на колата и сообраќајниот знак, додека возачот поминал без повреди.
Неофицијално, откако му е извршен алкотест, било утврдено дека има 2.03 промили алкохол во крвта.
Увид на лице место изврши полицијата и против возачот ќе биде поднесена соодветна пријава.
Екипа на фирмата задолжена за одржување на сообраќајната сигнализација во градот „Електрософт“, утринава го поправаше семафорот кој повторно беше ставен во функција.