Зачленете се во нашиот клуб на читатели и најновите текстови ќе ги добивате на вашата мејл адреса
Во рамките на проектот „Пливај и уживај“, од утре на Затворениот градски базен во Куманово, започнува бесплатна обука за пливање, наменета за учениците од основните и средни училишта во градот.
Проектот се спроведува по предлог на ООУ „Крсте Мисирков“ од Куманово, а под покровителство на Општина Куманово.
Обуката ќе се одвива секој вторник и четврток, пред и по завршувањето на часовите, под раководство на професори по физичко и здравствено образование.
- Досега има пријавено околу 100 ученици со основно познавање за пливање, а за месец дена откако ќе се направат и останатите анализи ќе можат да се приклучат и ученици кои немаат никакво познавање од оваа област. Пријавени се ученици од шесто до девето одделение, а за месец дена ќе се приклучат и од четврто и петто одделение,- вели Југослав Спасиќ, професор по физичко и здравствено образование во ООУ „Крсте Мисирков“.
Проект „Учиме да пливаме-здраво детство сакаме да имаме“ го промовираше пред година ипол и тогаш обуката ја поминале 110 ученици.
Општината има обезбедено околу стотина помагала, даски за пливање, прстени, гуми итн, а учениците со себе треба да имаат костим за пливање, капа и очила за пливање.
Обуката ќе трае до 15 јуни, а повторно ќе започне со почетокот на школската година во септември.
Зачленете се во нашиот клуб на читатели и најновите текстови ќе ги добивате на вашата мејл адреса
