Биенална изложба на цртежи “Скици 2025“ во Куманово

На изложбата ќе бидат презентирани дваесетина цртежи од авторите: Тања Соларска – Темелковски, Марина Цветановска – Мартиновска, Дејан Арсовски – Бабата, Зоран Арсовски – Бабата, Александар Стефановски, Далибор Крстевски, Милена Арсовска, Миранда Беќири – Фазлиу, Валентина Илијевска и Стефан Анчевски.

Проектот “Скици 2025“ е замислен како една биенална презентација на современиот цртеж на академските ликовни уметници од Куманово, и во таа насока по деветти пат пред ликовната но и пошироката публика ќе бидат претставени десет автори со своите дваесетина цртачки остварувања.

Носител на проектот е тимот на Секторот за визуелни уметности, архитектура и дизајн при НУЦК „Трајко Прокопиев“ – Куманово, кој сметајќи го цртежот за важна компонента во реализацијата на едно ликовно дело,  направи напор за вклучување на академски уметници од повеќе специјалности - сликари, скулптори, графичари. Оттука и резултираше разновидноста на понудените решенија пред сè во пристапот но и во негова конечна реализација.

Изложбата ќе биде поставена до 27. ноември.