18. 10. 2020 09:22

Бислимска клисура ќе стане зимски качувачки центар - денеска се одржува првиот маратон

Бислимска клисура ќе стане зимски качувачки центар - денеска се одржува првиот маратон

Македонската спортско качувачка федерација(МСКФ) и Спортско качувачкиот клуб Карпош, денеска организираат алпинистички маратон во Бислимска клисура во близина на Куманово, спортски настан, кој треба да го претстави Бислим пред качувачката заедница на Македонија.

- Покрај натпреварувачкиот дел, ова е одлична можност и да ви го презентираме новиот локалитет, самите да се уверите во потенцијалот што го нуди, како и сите заедно да качуваме и да се дружиме во преубавата природа на Бислимска клисура. За таа цел, ве покануваме денеска (18.10.) да не посетите во Бислим, кој се наоѓа на 9 км од Куманово, на самиот крај на селото Пчиња и заедно да го означиме почетокот на убава качувачка и авантуристичка сезона која следи во Бислимската Клисура, - информираат организаторите.

Маратонот ќе започна во 9 часот, а ќе трае до 18 часот попладне.

 Тимот на МСКФ, со поддршка од „ЛАГ АБЕР 2015“ од Куманово, како и директна помош од Швајцарската амбасада во Скопје, оклинчиле околу 70 нови насоки.

- Тие сеуште не се искачени и нудат одлична можност за организирање на On sight climbing marathon – спортски настан каков што оддамна немало во регионот. Горди сме што токму ние- МСКФ и Спортско качувачкиот клуб Карпош сме носители на оваа организација која треба Бислим да го претстави пред качувачката заедница на Македонија, - додаваат од МКСФ.

Отварањето на новиот спортско качувачки локалитет- Бислимска клисура, започнал на почетокот на годината со огромен ентузијазам на членовите.

Потенцијалот што овој локалитет го нуди го забележале од Македонската спортско качувачка федерација и веднаш пристапиле кон оспособување на нови насоки, за

Бислим да прерасне во омилен зимски качувачки локалитет на голем број качувачи.

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk