ЦИД: Рекламите можат и штетно да влијаат на граѓаните

Ова го тврдат од Центарот за меѓукултурен дијалог и сметаат дека рекламите за цигари, алкохол, лекови, брза храна и други производи, граѓаните треба да ги примаат со доза на резерва.

  - Често се среќаваме со реклами за алкохол, а знаеме дека тој не е добар за нашето здравје. Самиот маркетинг ни кажува дека со алкохол ние имаме забава и по некоја логика луѓето очекуваат кога има забава да има и алкохол. Таа порака сакаме да ја смениме. Истото се однесува на филмската и музичката индустрија во која имаме идоли, ги гледаме и сакаме да личиме на нив. Од нив добиваме перцепција како треба да изгледа женското тело, дека треба да држиме диети - вели Викторија Маневска, координатор на волонтерите во ЦИД.

Граѓаните одговараа на прашања за тоа колку ги следат медиумите и колку им веруваат на рекламите.

На штандот имаше и кутија за донации и граѓаните можеа да донираат за волонтерскиот клуб на ЦИД.