Членовите на “Ротари“ даруваат крв

Организаторите велат дека освен нивни членови, крв ќе даруваат пријатели на клубот и граѓани, а паралелно ќе се собира и облека за социјално загрозени семејства.

Очекуваме крв да даруваат околу 50 луѓе, со цел да им се помогне на луѓето на кои им е потребна крв. Поканети се многу луѓе кои ги знаеме, а за да има одзив низ градот залепивме плакати. Акцијата почна во 10.30 часот  и ќе трае до 15 часот. Очекуваме да помине успешно како и секоја година. Лани имавме доста успешна акција и бевме пофалени“ - вели Кристина Темелковска, секретар на “РоторАКТ“, здружение со подмладокот на “Ротари“.

На крводарителската акција учествуваа и членови од аикидо клубот “Агатсу“ од Куманово.

 Даваме полна поддршка на крводарителската акција. Околу 10 наши членови ќе даруваат крв и јас лично. Не дарувам крв многу често, го правам тоа еднаш годишно“ - рече Ненад Скрчевски, тренер во “Агатсу“.

Крводарителската акција на “Ротари“ е традиционална и како таква ќе се одржува и во иднина.