Зачленете се во нашиот клуб на читатели и најновите текстови ќе ги добивате на вашата мејл адреса
Црвениот крст Куманово во соработка со граѓанската иницијатива „Куманово за Албанија“, собра вкупно 76.250 денари и 500 литри флаширана вода за настраданите семејства во земјотресот во Драч.
Како што соопштуваат од општинската организација на Црвен Крст, дел од средствата во висина од 30.000 денари ги издвоиле од сопствениот буџет, а останатото го донирале граѓани на пунктот во центарот на градот.
„Голема благодарност до граѓанската иницијатива „Куманово за Албанија“, општествено одговорните здруженија и граѓани, кои дадоа свој придинес во хуманитарните активности за помош на настраданите во Албанија“, - соопштуваат од Црвен крст.
Покрај акциите на невладините организации и граѓаните помош за семејствата кои беа погодени во земјотресот во Драч, помош во висина од 300.000 денари одвои и Општина Куманово и 6 милиони денари државата.
Зачленете се во нашиот клуб на читатели и најновите текстови ќе ги добивате на вашата мејл адреса
