Црвен Крст организираше мерење на притисок и шеќер

Мотото оваа година е „Сите сме нивни деца“. Постарите граѓани ја искористија можноста да измерат притисок и шеќер, а на помладите им беа поделени флаери за да им се укаже дека постарите треба да се почитуваат.

Целта е да се посвети повеќе внимание и грижа на старите лица. Делиме и фрлаери, но на помладите луѓе за да ја подигнеме свеста за важноста за грижа кон старите лица и воопшто на старото население. Денеска имаме дружење со пензионерите и во следните денови планираме повторно посета во Домот за стари лица „Зафир Сајто“ каде што исто ќе имаме мерење на шеќер во крв и притисок - кажа Раде Ристиќ, лидер на Клуб на млади во Црвен Крст.

Неделата за грижа на стари лица во градот се одбележува повеќе од една деценија.

Шеќерот ми е 5.8. Дома имам апарат за притисок, можам секој ден да си мерам. Шеќер мерам по 2-3 пати месечно - рече Мирко Радиќ, граѓанин.

Во светот и во Македонија популацијата старее и во рамки на Недела за грижа на стари лица,  се потенцира дека на оваа категорија и е потребна нега и грижа.