Да покажеме дека сакаме Куманово да оди напред - заокружете број 5, повика Јаќимовиќ

Благојче Јаќимовиќ, претседател на општинската организација на НСДП и кандидат за советник во Советот на Општина Куманово, од коалицијата на СДСМ, денеска ги повика симпатизерите и членови на неговата партија, како и сите останати граѓани, во недела масовно да излезат на избори и да го заокружат бројот 5.

„Само така Куманово ќе може да се развива, да биде чисто, зелено и европски уредено. Само оваа опција нуди реални решенија, проекти што навистина се реализираат и грижа за секој граѓанин. Да покажеме дека сакаме Куманово да оди напред, а не назад, затоа што иднината на нашата општина е во наши раце. Бројот 5 е глас за: чисти улици и модерна, уредна општина, зелена и еколошки одговорна средина, урбанизам со повеќе зелени површини, безбедни пешачки и велосипедски зони, современи сообраќајни решенија. Да го избереме развојот и иднината на Куманово“, порача Јаќимовиќ.