Зачленете се во нашиот клуб на читатели и најновите текстови ќе ги добивате на вашата мејл адреса
Кандидатот за градоначалник од коалицијата Сојуз на иднината, денеска ги повика граѓаните на Куманово, во недела да ја дадат подршката за градоначалник и советници под реден број 42.
Ве повикувам масовно да излезете на изборите и да дадете глас за Сојузот на иднината. Со тоа давате глас за поубава Македонија, економски просперитетна, европски интегрирана и безбедна држава. На овие избори не се работи само за интересите на градот, овие избори се значајни и за тоа што ќе ни се случува понатаму на политичката сцена во државата. Дајте го гласот за победничкиот тим на СДСМ, Зоран Дамјановски и Сојузот на иднината-порача Дамјановски.
Во името на советничаката листа на коалицијата подршка од гласачите побара носителот на листата Максим Димитриевски.
Ве повикувам да излезете на гласање и да направите разлика помеѓу она што е континуитет во работењето и она што значи популизам и празно ветување. Во овој град СДСМ и неговите коалициони партнери, предводени од нашиот репрезент градоначалникот Зоран Дамјановски направија многу и верувам дека ќе ја добиеме вашата подршка да продолжиме со проектите и да започнеме нови кои ќе носат добро на граѓаните- рече Димитриевски.
Двајцата ги повикаа членовите, симпатизерите и граѓаните масовно да дојдат на вечерашниот завршен митинг на Сојузот на иднината во 19.30 часот.
Зачленете се во нашиот клуб на читатели и најновите текстови ќе ги добивате на вашата мејл адреса
