Зачленете се во нашиот клуб на читатели и најновите текстови ќе ги добивате на вашата мејл адреса
Градоначалникот Зоран Дамјановски побара од Министерството за одбрана да дозволи поплавените семeјства да се сместат во касарната “Христијан Карпош“, додека не се создадат услови да се вратат во нивните домови.
Од поројните дождови и излевањето на реките, уништени се дел од патиштата во општината, водоводни системи, а постои опасност да паднат и неколку мостови. За да се ублажи состојбата на терен е механизацијата на јавните претпријатија, а Дамјановски порача во расчистувањето да се вклучат и месните заедници.
Синоќа ни се случи елементарна непогода. Имаме изливање на големи количини на вода на реките Крива Река, Пчиња, Којнарка... Поплавени се огромен број на индивидуални домови, уништена е инфраструктура, канализација. Имаме нарушена статика на некои мостови, сериозно е состојбата на мостот во селото Пчиња, за кој постои опасноста да се урне. Се наоѓаме во крајно критична состојба. За ова време додека сум градоначалник на Општина Куманово, оваква состојба на поплави сум имал. Над 300 луѓе останаа без своите домови, бројката ја сумираме - изјави Дамјановски.
Во сместување на граѓаните ќе помогне и Црвен Крст Куманово од каде ќе бидат обезбедени вреќи за спиење. Штети има во селата Долно Којнаре, Речица, Средорек. Првичната матерјална штета се проценува околу 5 милиони евра.
Зачленете се во нашиот клуб на читатели и најновите текстови ќе ги добивате на вашата мејл адреса
