Зачленете се во нашиот клуб на читатели и најновите текстови ќе ги добивате на вашата мејл адреса
Потпретседателката на СДСМ Ана Павлова Данева на синоќешната трибина во Куманово зборуваше за актуелната-политичка состојба во државата, при што ги повика граѓаните да го победат стравот и на следните локални избори да гласаат за СДСМ, да ја сменат власта и да создадат амбиент за предвремени парламентарни избори.
СДСМ е единствената голема организирана сила од која народот очекува да се спротивстави на владеењето на Груевски. Ние сме подготвени и затоа почнуваме голема битка, со консолидација и збивање на нашите редовите. Локалните избори во 2013 година се од огромно значење, бидејќи тоа не се обични локални избори каде ќе се бориме за градоначалници и советници, туку тие се референдум на граѓаните на Република Македонија, дали се за или против Груевски. Ако на локалните избори гласовите на опозацијата се поголеми од ВМРО-ДПМНЕ, нема ништо да не спречи да излеземе на улица и да предизвикаме предвремени парламентарни избори.Затоа ве повикувам да го искористиме времето во оваа изборна година да бидеме меѓу сопствениот народ и да им кажеме дека во сите општини, помали или поголеми ќе победи СДСМ-изјави Павлова- Данева.
Пратеничката ја критикуваше актуелната власт за состојбите во медиумите, здравството, социјалната заштита, проектот „Скопје 2014„, невработеноста и ги истакна и останатите проблеми со кои се соочуваат граѓаните.
Зачленете се во нашиот клуб на читатели и најновите текстови ќе ги добивате на вашата мејл адреса
