Зачленете се во нашиот клуб на читатели и најновите текстови ќе ги добивате на вашата мејл адреса
На Градскиот плоштад во Куманово во петок во 11 часот ќе пристигне Дедо Мраз на мотор. Мото клубот „Мечки Македонија“ по 15. пат ќе ја организира овааа манифестацијата за намладите, а годинава е под мотото „Тажните најубаво се смеат“.
Досега има пријавено околу 40 учесници, сите имаат опрема и костуми и сите што во моментот ќе бидат на Градскиот плоштад ќе имаат можност да се сликаат со Дедо Мраз и да добијат ситни подароци.
„Клубот во Куманово има 13 члена и безброј мото-пријатели. Со заеднички средства, донации од наши пријатели и пакетчиња од МК „Мечки“ годинава повторно ќе донираме на Дневниот центар за лица со посебни потреби. Секогаш донираме она што им е најпотребно, а оваа година ќе добијат компјутер“, изјави Јовица Гиновски, член на мото клубот и учесник во акциите.
Откако ќе заврши дружењето на плоштадот моторџиите ќе направат дефиле по улиците во централното градско подрачје, по што ќе однесат подароци на корисниците на Дневниот центар за лица со посебни потреби. Оваа посета секогаш наидува на големо воодушевување кај присутните.
Зачленете се во нашиот клуб на читатели и најновите текстови ќе ги добивате на вашата мејл адреса
