Дејвид Стрика се стреми кон врвна голманска кариера

Од малечок е вљубеник во спортот, а веќе година и пол тренира во фудбалскиот клуб “Куманово“ каде бележи добри резултати.

„Сум учествувал на турнир во Охрид, во Куманово, во Велес. Имаме играно натпревари со “Милано“, “Еуро спорт“, “Њу старс“, “Брегалница“ и “Борец“. Одбрав спорт затоа што сакам да бранам за Македонија и да ја претставувам државата на светско првенство, да бидеме меѓу првите во светот. Ќе се трудам да постигнам уште подобри резултати и да одам само напред“ - кажа Стрика.

Малиот голман е ученик во 6 одделение во основното училиште “Христијан Карпош“.