Зачленете се во нашиот клуб на читатели и најновите текстови ќе ги добивате на вашата мејл адреса
До крајот на годината, надлежните очекуваат дека ќе се заврши изградбата на железничката пруга од Куманово до Бељаковцe, со што ќе заврши првиот дел од делницата на кордорот 8 од Куманово до Република Бугарија.
Министерот за транспорт и врски Горан Сугарески неодамна изјави дека овој проект е од особена важност за државата и затоа оваа година ќе продолжат со поинтензивна работа на терен.
- Оваа година очекувам многу силно темпо за изградба и до крај на годината конечно да го завршиме делот од Куманово – Бељаковце. Исто така знаете дека во овој момент тече тендерската постапка за изградба на втората фаза од Бељаковце до Крива Паланка. 15 компании се влезени во тендерската постапка и заедно со ЕБОР се работи на евалуација на понудите. До крај на годината очекуваме да се избере изведувач и да отпочнеме со работа на терен ,- вели министерот Сугаревски.
Исто така, тој информираше и дека се одобрени 2,7 милиони евра за изградба на заедничка желеничка станица на Табановце со Република Србија, преку Фондот за финансирање на проекти за Западен Балкан.