Доцевска-Божиновска најави поголема поддршка и помош на угостителите

13.10.2021 15:44 | Сузана Николиќ

Носителката на листата на советници од коалицијата на ВМРО-ДПМНЕ Елена Доцевска-Божиновска, заедно со генералниот секретар на ВМРО-ДПМНЕ Ѓорѓија Сајкоски и поранешната министерка за финансии Гордана Димитриевска-Кочоска, се сретнаа со членовите на на Здружение на угостителите „Бисер“ од Куманово. 

Доцевска-Божиновска најави поголема поддршка и помош на угостителите

На средбата кумановските угостители ги повториле своите барања за поголема поддршка, бидејќи се најпогодени од коронакризата.

„Кумановските угостители беа реални во своите барања и заслужуваат пред се достапност и дијалог, а потоа и поддршка и помош како еден од најпогодените сектори во последните две години. Досега слушнале многу зборови, многу ветувања, нема потреба од нови флоскули, нови потпишани меморандуми, а во реалноста да останат проблемите. Тоа што јас им го ветив е сојузништво, реално и најдобронамерно, дела, а не зборови“, вели Доцевска-Божиновска.

Секретарот Сајкоски, најави дека во следниот период угостителите и останатите стопанственици ќе имаат директна соработка и поддршка со идните градоначалник Тони Михајловски и претседателката на Советот, Елена Божиновска, за да се најде трајно решение на нивните проблеми. 

2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk