Зачленете се во нашиот клуб на читатели и најновите текстови ќе ги добивате на вашата мејл адреса
Во Македонија пристигнаа уште 10.000 вакцини Астра Зенека, донација од Република Хрватска, а по тој повод денеска беше организирана средба помеѓу хрватскиот министер за надворешни работи Гордан Грлиќ Радман и министерот за здравство Венко Филипче.
Веќе од следната недела овие вакцини ќе бидат дистрибуирани по вакциналните пунктови ширум земјата.
Според најавите од Владата на Република Хрватска, во знак на пријателство, во најскоро време ќе пристигнат и дополнителни 20.000 дози на вакцини.
„Хрватската Влада донесе одлука да донира и дополнителни 20.000 вакцини, кои ќе бидат или од производителот Астра Зенека или од производителот Модерна, што би било и прва вакцина која ќе пристигне од овој прозиводител во нашата земја“, кажа министерот Филипче.
Во моментов, во нашата држава има доволно вакцини за спроведување на процесот на имунизација. Во периодот што следува најавени се и дополнителни дози, а од средината на месецот ќе започне да се спроведува и теренска имунизација, информираат од Министерството за здравство.