ДРОМ се вклучува во проект за спречување на дискриминација
ДРОМ заедно со Асоцијацијата за демократска иницијатива (АДИ) Гостивар и Асоцијација иницијатива за социјална промена (ИнСоК) Скопје, го спроведуваат проектот „Граѓанското општество во акција за еднаквост“.
Целта на проектот е да се поддржи активното вклучување на граѓанските организации во спроведување на политики и практики за спречување на дискриминацијата на локално ниво.
Специфичните цели на проектот се да се зајакне капацитетот на организациите на граѓанското општество, за поттикнување и следење на стандардите за заштита од дискриминација и еднаквост. Зајакнување на меѓуинституционалната соработка за превенција и борба против дискриминацијата на локално ниво. Да се подигне свеста за законодавството за анти-дискриминација и да се промовира концептот на еднаквост - вели ДРОМ.
Проектот ќе трае 18 месеци и се спроведува во рамки на ИПА Национална програма за транзициска помош и градење на институциите 2011, Грантова шема “Понатамошен развој и финансиска одржливост на граѓанското општество“. Проектот е финансиран од Делегацијата на ЕУ, спроведуван од Секторот за централно финансирање и склучување договори, при Министерството за Финансии и Генералниот секретаријат на Владата на Р.М.
НАЈНОВИ
-
Максим Димитриевски ќе биде кандидат на ЗНАМ за градоначалник на Куманово
-
Училишната зграда на „Браќа Миладиновци“ и „Крсте Мисирков“ ќе добие енергетско ефикасна фасада
-
Меѓународниот боксерски турнир „Мирослав Петровиќ“ ќе се одржи викендов на Градскиот плоштад во Куманово
-
Во тек е исплатата на правата од социјална и детска заштита за мај
-
Бесплатни вреќи обезбеди „Чистота“ за ѓубрето од градските гробишта
-
Се сечат дрвја и се расчистува теренот за доизградба на дел од „Октомвриска револуција“
