ДРОМ со едукација за спречување на трговија со луѓе

Првата фокус група со претставници на институции, невладини организации и локална самоуправа анализираше прашалник во работна верзија и даде насока за конечна верзија која ќе се користи во средните училишта. Целта на проектот е да се подигне свеста на младите за оваа појава.

Проектот се состои од две фази, првата фаза е истражување , а втората фаза е едукација. Ќе бидат подготвени прашалници, кои што ќе бидат користени за истражување во сите средни училишта во Куманово и во Гостивар. По ова истражување ќе се направи детална анализа за средношколците и ќе се види нивното влијание од страна на социјалните мрежи. Овој извештај ќе биде презентиран пред сите институции и пред пошироката јавност, а потоа ќе има 80 едукативни работилници во средните училишта. Ќе бидат опфатени сите средни училишта во Куманово и тоа од 1 до 4 година - вели Донка Петровска, координатор на проектот.

Во мај и јуни ќе има средби со матурантите кои ќе се запознаат со активните мерки за вработување, а по завршување на проектот сработеното ќе биде презентирано на конференција во Скопје.