ДРОМ во борба против дискриминација на локално ниво

Проектот ќе трае година и пол и се реализира со партнерите Асоцијацијата за демократска иницијатива (АДИ) Гостивар  и Асоцијација иницијатива за социјална промена (ИнСоК) Скопје. Ќе се одржат обуки за препознавање на дискриминација и ќе се направи вмрежување на организации.

Ќе биде креиран портал каде што ќе стои Законот за спречување од дискриминација и каде што ќе има случаи кои што се поврзани со дискриминација. Кога зборуваме за дискриминација, тука не опфаќаме само родова дискриминација, туку и партиска дискриминација, дискриминација кон стари лица, кон Роми, ЛГБТ заедницата - рече Донка Петровска, асистент на проектот.

Проектот ќе се спроведе во 8 општини во Македонија, за да се постигне еднаквост на локално ниво.

Станува збор на прилично голем број на општини, со цел да постигнеме што е можно поголемо влијание во промовирањето и разбирањето на моменталното законодавство во однос на заштита од дискриминација и еднаквост, и зајакнување на капацитетите на сите клучни актери, чинители на локално ниво во справувањето со оваа појава. Тука се вклучени граѓанските организации исто така фокусот на овој проект се локалните институции - вели Катица Михајловиќ од АДИ Гостивар.

Проектот е финансиран од Делегацијата на ЕУ, спроведуван од Секторот за централно финансирање и склучување договори, при Министерството за Финансии и Генералниот секретаријат на Владата на Република Македонија.