Двајца лекари и медицинска сестра се заболени од коронавирус, се чекаат резултатите на 63 ново тестирани

- Има дијагностицирани пет позитивни пациенти, од коишто тројца се здравствени работници, двајца доктори и една медицинска сестра, - објави министерот за здравство Венко Филипче.

- Детално е анализирано и семејството, во смисла на контакти и релации во однос на евентуали патувања и контакти што биле во странство, имајќи во предвид дека резултатите се чекаат во текот на денот, а со нив се опфатени вкупно 63 бриса од 63 лица, како на медицинскиот персонал во болницата, така и членовите на семејството. По овие резултати ќе се направи план за работа на целата болница во однос на функционирање на сите одделенијата, - додаде министерот.

Една од новозаболените  пациентки не е од Куманово, туку од една од соседните општини.

Во Куманово е направена интензивна комуникација со лицата, коишто освен што се дијагностицирани со корона вирус и со семејството на починатат пациентка, и засега ниту еден од другите членови на семејството нема клиничка симптомологија, истакна Филипче.