Зачленете се во нашиот клуб на читатели и најновите текстови ќе ги добивате на вашата мејл адреса
Две лица од реонот кој го покрива СВР Куманово, наместо да седат во изолација од коронавирусот, ги напуштиле домовите и полицијата не ги нашла при извршената контрола.
Како што соопштуваат од Кумановската полиција во текот на вчерашниот ден, при вршење на контролите две лица на кои им е изречена мерка медицински надзор и домашна изолација првично не биле пронајдени дома и против нив ќе биде изготвен соодветен поднесок.
- СВР Куманово презема мерки и активности согласно владината одлука и мерките и препораките за превенција, контрола и заштита од вирусот Ковид-19. Притоа, на територијата која ја покрива СВР Куманово, поточно општините: Куманово, Старо Нагоричане, Липково, Крива Паланка, Ранковци и Кратово, редовно се вршат контроли на лица на кои им е изречена мерка медицински надзор и домашна изолација од ДСЗИ, како и на лица со наредба за изолација од Министерство за здравство, - соопштуваат од полицијата.
Од таму додаваат дека од страна на СВР Куманово ги контролираат и странски патнички моторни возила, како и угостителските објекти дали ги почитуваат насоките дадени од Владата.