Две здруженија од Куманово ќе добијат 23 илјади евра од Владата зa справување со коронавирусот

Помош во вкупна вредност од 1,4 милиони денари добија здруженијата Влазнија и ЦИД од Куманово.

„Здружението за едукација „ВЛАЗНИЈА“ од Куманово со проектот „Поддршка и асистенција за учениците за онлајн учење“ доби финасиска помош од 810.000 денари. Тие во својата апликација побарале 900.000 денари. Здружението „Центар за интеркултурен дијалог Куманово“ (ЦИД) со проектот „Борба против говорот на омраза и криминалот од омраза“ ќе добие 605.385 денари, а побарале 672.650“, - стои во одлуката на Владата.

Со ова одлука се врши распределба на 29.647.474 денари (480.000 евра) од планираните средства во Буџетот на Владата за 2020 година.  Целта е невладините организации да ги информираат и да им помагаат на граѓаните и на ранливите и социјално загрозени групи.

Оваа одлука влегува во сила со денот на објавувањето во Службен весник.

(Д.Д)