Едукација за електронски даноци

 Пред присутните зборуваше Весна Шалева раководител на Одделение од регионалната дирекција  Штип.

Електронскиот систем "е-Даночни сервиси" овозможува да се користи современ, ефикасен и безбеден начин за поднесување на даночни пријави до Управата за јавни приходи. е-Даноците обезбедува едноставна употреба, постојана електронска комуникација со УЈП и брзо процесуирање на податоците. Овој систем е наменет за сите правни лица и вршители на дејност, кои имаат обврска за поднесување на даночни пријави до УЈП. На овој начин може да се врши електронско поднесување на пријави за данок на додадена вредност,  пријава за фискална апаратура, пријава за данок на добивка и пријава за персонален данок на доход - беше речено на предавањето.

За да се користи овој систем потребно е пристап до интернет, е-пошта и можност за скенирање на документите  кои се праќаат по електронски пат. Заинтересираните  треба да  поднесат образец „БКИ„ до УЈП за добивање на корисничко име и лозинка за пристап во системот, по што УЈП издава корисничко име и лозинка со кои се пристапува до системот.