Зачленете се во нашиот клуб на читатели и најновите текстови ќе ги добивате на вашата мејл адреса
Црвен крст на Република Македонија – општинска организација Куманово, вчера организираше eдукативно предавање за превенција од корона вирусот за припадниците на АРМ.
- Предавањето беше спроведено во касарната „Боро Менков” – Куманово, а предавач беше д-р Јадранка Стаменковска- епидемиолог од Центарот за Јавно здравје Куманово, која преку презентација објасни што претставува корона вирус, како се пренесува, кои се симптомите, како и мерки кои треба да се превземат да се превенира болеста, - информираат од Црвен крст.
На предавањето присуствуваа 44 припадници од Армијата.
Досега од корона вирусот, наречен COVID-19, починаа над 1.100 луѓе, а бројот на заразени достигна 44.653.
Најголемото кризно жариште надвор од Кина е јапонскиот крстосувач, со вкупно 175 заразени. На бродот се и тројца Македонци, кои не се меѓу заразените.
Крузерот е ставен во карантин на две седмици откако пристигна во Јокохама, јужно од Токио, на 3 февруари, а откриено е дека маж што се симнал во Хонг Конг бил заразен со вирусот.