„Еко Зона„ ќе управува со цврст отпад

 Градоначалниците на шестте општини на Североисточниот плански регион денеска разговараа за работата на заедничкото јавно претпријатие "Еко Зона" Куманово , кое веќе е формирано, но се чека за отпочнување со работа по завршувањето на регионалната студија за управување со цврст отпад.

"Освен студијата, потребно е да се формираат и регионални тела за управување со цврст отпад. Националата програма предвидува регионален пристап кон отпадот, а регионалното тело треба да ги води сите процеси"-вели градоначалникот Зоран Дамјановски, претседателот на Североисточниот плански регион.

На денешната седница присуствуваа и претставници од министертвото за животна средина и просторно планирање.

"Ова е прв чекор за продолжување на проектите,во североисточниот плански регион веќе тече проектот за зајакнување на капцитетите за управување со цврст отпад, а во подготовка е  вториот проект од компоненета три за регионален развој, планови, стратешка оценка за влијанието на  плановите, а дури потоа ќе следат инфрструктурни проекти. Но пред да се аплицира ќе мора да се подготват овие стратешки документи"-вели Ана Каранфилова Мазневска, раководителот на Секторот за управување со отпад од Министертвото за екологија.

Североисточниот плански регион донесе одлука за користење на средства од ИПА фондовите за управување со цврст отпад на регионално ниво.