Евгенија Чанчалова ќе пее на Избор на песна за Евровизија

Песната се вика “Да не те сакам“, музика на Григор Копров, аранжман на Владимир Дојчиновски, а текстот е на Елена Гулинац.

“Почнува како балада, а во рефренот песната е ритмична, забавна, убава... Се надевам дека ќе и се допадне на публиката и многу ќе ми значи кумановци да гласаат за мене. Сигурно ќе има силна конкуренција, но се надевам на победа. Јас пејам под реден број 6,- вели Евгенија.

 На младата и талентирана кумановка ова и е четврт фестивал оваа година.  Прво настапила на Београдско пролеќе во Белград, а потоа на Сунчане скале во Херцег Нови освоила 2 место. Третото искуство е на Охридскиот фестивал, каде добила повеќе награди. Евгенија е студентка на прва година на Музичката академија во Пловдив.