Фирмите од регионот ќе ја подобруваат конкурентноста

Настанот има за цел да ја подобри конкурентноста на фирмите во нашиот регион, да се зајакнат и да се отворат нови работни места.

Североисточен плански регион не е на завидно ниво во делот на развојот. Овие информативни настани  се од корист и значење за бизнис заедницата. Планираме да имаме уште два информативни настани и на крај ќе имаме еден промотивен настан, каде што ќе ги промовираме сите активности кои ги реализираме во проектот отварање на Бизнис центар. Целта е да се подобри иновативноста и конкурентноста - изјави Маја Петровска, координатор за одржлив развој и поддршка на приватниот сектор.

Од Бизнис центарот се надеваат дека ќе ги мотивираат бизнисмените во регионот да отварат нови бизниси, а со тоа да се подобри и стандардот.

Малите и средните претпријатија се многу важен елемент и на европско и на македонско ниво, 97-98 отсто од индустријата се изведува преку нив. Заради тоа со овој семинар ќе видиме како да се бенефицираат сите тие стандарди  - вели Љупчо Давчев од Институтот за стандардизација.

Настанот е организиран во рамки на проектот на Министерството за локална самоуправа „Иновативни решенија за подобар пристап до услуги на локално ниво“ кој се спроведува во соработка со УНДП.