Фотографите од “Куманово“ со бројни нагрaди

Владимир Јовановски доби по две дипломи во Бугарија и Србија и една во Египет, а Марина Крстиќ се закити со бронзен медал на интернационална изложба во Србија. На олипијадата на млади техничари, Венцо Стефановски зеде прва награда на регионално ниво. Како дел од проектот “Малински фото фестивал”, на меѓуклупска изложба помеѓу “Куманово“ и фото кино клуб Битола “Тумба“, Марија Јовановска и Марина Крстиќ зедоа дипломи за своите дела.

“Успесите од минатата, фото клуб Куманово ги продолжи и во оваа година. Ентузијазмот кој е присутен кај членовите на клубот ги потикнува да продолжат со своите творења и организирање на настани од ваков карактер, кој полека и сигурно ќе ги доведе до остварување на целта и визијата на клубот“ - велат од фото клуб “Куманово“.

Фото клуб “Куманово“ e формиран лани и брои триесетина членови.