Годинава ќе има две порибувања на Пчиња

Се планира порибување со 30 килограми македонска пастрмка и 50 килограми крап, со цел обновување на рибниот фонд.

Порибувањето ќе се изврши во текот на годината зависно од временските услови и водостојот на реката. Најдобро е да се направи во пролет или доцна есен затоа што водостојот е постојан, а ако се порибува во лето водата е плитка и можат рибите да бидат уловени од рибокрадци - вели Роберт Лазаревски, претседател на „Пчиња“.

Риболовците од ова друштво годинава ќе учествуваат на локални купови, државни првенства и балканско првенство во риболов.