Зачленете се во нашиот клуб на читатели и најновите текстови ќе ги добивате на вашата мејл адреса
Ноќеска граѓаните на Куманово беа вознемирени од голем, синхронизиран огномет од повеќе локации во градот. Тој започна токму на полноќ, траеше неколку минути, а беше проследен со силни пукотници.
Според голем број на очевидци ракетите биле испукувани од повеќе локации во Куманово, на неколку места на Спомен Костурницата, Октомвриска револуција, кај Жмара, населбите Зелен рид и Перо Чичо, Трговски центар итн. До полицијата стигнале само три пријави во текот на ноќта.
„На 23 јули во период од 00.00 до 00.10 часот во СВР Куманово било пријавено дека на три локации во Куманово имало огномети. Се преземаат мерки за расчистување на случајот“, соопштуваат од СВР Куманово.
Дел од граѓаните кажуваат дека силните детонации ги разбудиле од првиот сон, и ги вознемириле, и сметаат дека не може да пука на кој ќе му текне. Ненадејните силни звуци негативно влијаат на бебињата, старите, болни и изнемоштени лица и домашните миленици, па затоа бараат надлежните да го најдат сторителот и соодветно да реагираат.
„Тоа е нарушување на јавниот ред и мир и неовластено ракување со пиротехнички средства. Мора да има санкции, не може кој сака, кога сака и колку сака да употребува петарди и ракети“, реагира пензионерката Н.С. која живее во центарот на градот.
Во Куманово постојано да се пука со разновидни пиротехнички средства, а особено во летниот период. За време на свадбените веселби се користи и оружје, па граѓаните се загрижени за својата безбедност, и бараат да се искорени оваа појава.
Зачленете се во нашиот клуб на читатели и најновите текстови ќе ги добивате на вашата мејл адреса
