Зачленете се во нашиот клуб на читатели и најновите текстови ќе ги добивате на вашата мејл адреса
Невработените лица што нема да се пререгистрираат во Фондот за здравствено осигурување до 1 април ќе ги плаќаат прегледите кај матичните лекари.
Поради тоа лекарите ги повикуваат своите пациенти кои не ја завршиле оваа законска обврска тоа да го сторат во предвидениот рок за да не се соочуваат со непријатности кога ќе дојдат во ординациите.
Ги повикуваме сите осигурани граѓани преку Агенција за вработување да се пререгистрираат во ФЗО подрачна единица Куманово. Пререгистрацијата трае до 31 март годинава, а доколку истата не ја заврши тогаш здравственото осигурување ќе им биде прекинато. Голем процент од невработените сеуште не се пререгистрирале и нив им остануваат уште 4 работни дена да си ја завршат обврската - изјави Фатмир Асани, претседател на матични лекари Куманово.
Асани вели дека пациентите кои ќе останат без осигурување ќе плаќаат по 200 денари за преглед кај матичниот лекар,а ќе мора да ги купуваат и лековите.
Зачленете се во нашиот клуб на читатели и најновите текстови ќе ги добивате на вашата мејл адреса
