Греота е Куманово да нема отворена културна сцена, театар и кино, вели Марко Трајковиќ, кандидат за советник на ДПСМ

„Она што му недостасува на градот е една голема отворена сцена за одржување на Кумановско културно лето. Греота е град како Куманово, со околу 100.000 жители, да нема отворена сцена. Да носиме сцени од други градови за да се одржат некои помали настани, е навистина жално. Немаме театар со години — нè пикнаа во еден кубус во Центарот за култура, немаме ни кино. Додека растевме имавме две кина, а сега се затворени. Нема младински секции за актерство, ликовна уметност, музика... Сè што постои во тој дел е приватизирано. Луѓето се повлекоа, се изгуби онаа врска што порано нè спојуваше. Она што јас ќе го ветам е дека ќе се трудам да ја вратиме човечноста“, вели Трајковиќ.

Тој е разочаран што во Куманово недостигаат многу работи. Вели дека изразот ајде да ја вратиме културата во Куманово ја слуша само пред избори. 

„Она што е до мене е да продолжам да работам најпрофесионално и најстручно. Многу ми се допаѓа што на нашата советничка листа има голем број луѓе — професионалци кои знаат што работат. Убеден сум дека од нив може да се научи многу и дека ќе продолжат да даваат голем придонес во општеството“, додава тој.

Советничката листа на ДПСМ - носител Иван Стоилковиќ е под реден број 3 на гласачкото ливче.